خد بالك من نصاب الاثار

نوع جديد من النصب على الناس وسرقة ممتلكاتهم بطريقة جديدة ! خد بالك

احدى الطرق الجديدة من النصب والسرقة والتحايل على المواطنين ومحاولة إدراجهم لمكان الجناه حتى يتمكنوا من سرقة كل أمواله وسيارته هو ومن معه .ومحاولة التعدى عليه أذا لزم الامر

تبدأ الواقعه برسالة قصيرة على الموبيل من رقم أخر تنص على(لقينا تماثيل اثار ودهب واحنا بنحفر تحت البيت فى الارض تعالى عشان تصرفهم او تشوف حد يشتريهم)

تسجيل صوتي لمكالمة مع نصاب اثار

طبعا الكلام ده مش حقيقى وفى اشخاص كتير بتصدق وتتصل وعند اتصالك بصاحب الرقم وسؤاله

يحاول اقناعك ان الرساله تم ارسالها لك بالخطأ او بالفعل بيقعنك تذهب عنده وترى بنفسك الذهب والتماثيل

وبيكون عنوان الاشخاص دى فى الصعيد ومناطق جبلية ومناطق البدو مناطق نائية غير معروفة حتى يصعب الوصول اليها من افراد الشرطة

ويوجد طرقتين للنصب فى هذة العملية

الطريقة الاولى

عند وصولك سوف يعرضوا عليك قطعة تمثال صغيرة ذهبية طبعا مقلدة بيطلعها وبتاخدها عشان تصرفها وتبيعها وتتأكد انها اصلية

مقابل اعطائة مبلغ رهن والموبيل واى حاجه قيمة زى ساعه وطبعا هتاخد القطعه وتروح تحاول تبيعها هتلاقيها تقليد ومش دهب ولو فكرت ترجع المكان ده تانى عشان تاخد حقك بيقوموا بسرقتك انت وعربيتك والموبيل انت والى هيجى معاك

الطريقة الثانية

اول ما بتوصل للمكان مش هتلاقى معاهم دهب ولا اى اثار ويتم سرقة اموالك والموبيل وسرقة سيارتك ومن معك والاعتداء عليك اذا حاولت مقاومتهم