معاك فكة يا استاذ

فى يوم من الايام و انا رايح الشغل بدرى توقفت عربية بيجو 504 و كان بداخلها 3 يرتدون زى صعيدى. وسمعت من داخل السيارة من الكرسى الامامى المجاور للسواق واحد بيقول يا استاذ يا استاذ فتوقفت و دار بيننا حوار كالتالى.

الراجل: القى معاك فكة و النبى يا استاذ> انا: لا و الله يا حج الراجل : طب الف شكر … بقولك يا باشا اصل انا نازل القاهرة اجيب الشبكة و كل اللى معايا عشرينات و طلع من جيبة رزمة كبيرة كدة من العشرينات الاقى معاك مجد بقى علشان بس اعرف اشترى انا : بدون تفكير اة ممكن تلاقى شوية معايا و الف مبروك يابوب الراجل: طب معاك اد اية انا:4 او 5 ميات الراجل بدأ يعد وانا طلعت الفلوس و اديتة اربع ميات و هوة ادانى 380 جنية عشرينات و العشرين الاخيرة جنيها

خت الفلوس و بدأت اعد العشرينات مظبوطة و معدتش الجينهات قام قلى الراجل لأ عد كلة يا باشا و انا اقوله الدار امان يقولى لأ لازم تعد اقولة يا عمى واحد دى شوية فكة مش مشكلة المهم عديتهم طلعوا 17 جنية قالى شفت بقى هات اعدهم علشان نتأكد فعلا عد و طلع ناقص 3 جنية طلعهم و حطهم على الفلوس و عد الفلوس كلها تانى بسرعة ما شاء الله علية

وهنا حدث النصبية بحركة لولبية افعوانية و هوة بيدنى الفلوس كان حاطط صبعة بعد اول 300 جنية و من غير ماخد بالى كان ادانة 4 عشيرينات و الباقى جنيها

وطبعا علشان الجنيهات كتير و احنا عدينا كتير حطيت الفلوس فى جيبى ومشيت.

و بعد شوية و انا بشترى حاجة اكتشفت عمليت النص اللى تمت.